أبـــتـسم لـــي واســـامح:)

سيد جروحي شمس عمري وظلي ..البعد طوّل والخطا منك واضح ..

اذا غرورك يمنعك تعتذرلي ..تعال جنبي وابتسم لي واسامح ..

تدري أحبــــك لكن الموت ذلي ..أدوس أنا قلبي لو الشوق جامح ..

الله عطاك الحظ وأصبحت خلي ..والله عطاني اياك طاغي ملامح ..

سألتني يا ياسميني وفلي ..ياكيف يشفي الورد والشوك جارح ..

مثل العيون اللي لها كل كلي ..زايد حلاها لكن الدمع مالح ..

وش تنتظر يكفي دلال وتغلي ..الوقت ماهو للوصل دوم سانح ..

مادمت ترحالك ومادمت حلّي ..ان صرت أنا خسران ماصرت رابح ..

لا تعطي الفرصه لعذالنا اللي ..لكل ماهو يهدم الحب طامح ..

مالك صبر عني ومالي تسلّي ..والوقت خيلٍ صوب الآجال رامح ..

سيد جروحي شمس عمري وظلي ..الحب بعد وقرب مخطي وصافح ..

اذا غرورك يمنعك تعتذر لي ..لا تعتذرلي قول اسمي واسامح ..